"Қўқон-1912" бугун яна Тошкентга йўл олди

Бош мураббий Тоҳир Кападзенинг "СА"га хабар беришича жамоа бугун навбатдаги йиғинни ўтказиш учун Тошкентга жўнаб кетади. Мазкур йиғин чоғида асосий эътибор синов-назорат ўйинларини ўтказишга қаратилади. Қайсидир маънода буни ҳал қилувчи йиғин дейиш мумкин. Чунки ўртоқлик ўйинларидан кейин мураббийлар штаби чизиқлар бўйича камчиликлар устида ўзгариш қилиши ҳам мумкин. Спарринг-рақиб сифатида "Обод", "Оқ-тепа", "NBU-Осиё", "Шўртан" сингари биринчи лиганинг етакчи жамоалари танланган. Жамоа пойтахтда 18 март кунга қадар бўлишни режалаштирган.

Таркибдаги ўзгаришлар тўхталадиган бўлсак, бугун бошланадиган навбатдаги йиғинга Нодир Қўзибоев келиши кутилмоқда. Агарда футболчи "Истиқлол" билан айрим масалаларда келиша олса, бу йилги мавсумни "Қўқон-1912"да ўтказиши аниқ.  Шунингдек охирги йилларда "Андижон" учун ўйнаб келаётган Акмал Жўрабоевни ҳам мурнаббийлар штаби синовдан ўтказиш ниятида. Жўрабоев билан қўқонликлар ҳужум чизиғидаги рақобатни янада кучайтирмоқчи.