“Қўқон-1912” Баҳром Ҳакимовни табриклайди
18 мар 2015 10:17
Янгиликлар

“Қўқон-1912” Баҳром Ҳакимовни табриклайди

Қўқонлик футбол мутахассиси Баҳром Ҳакимовни танимаган футбол ишқибози бўлмаса керак. Мураббийлик фаолияти давомида ўзидан яхши ном қолдирган Баҳром Мамажонович яқинда 60 ёшини қарши олди.

1992 йили Қўқоннинг “Темирйўлчи” жамоасини бошқарган Ҳакимов кейинчалик МҲСК, “Андижон”, “Насаф”, “Динамо”, “Тўпаланг”, “Шўртан”, “Хоразм”, “Аланга” ва “УзДонгЖу” каби жамоаларида ҳам фаолият олиб борди. Баҳром Мамажонович мураббийлик даврида Қўқондан кўплаб иқтидорли футболчиларни, хусусан Нўъмон Ҳасанов, Рустам Абдуллаев, Шуҳрат Раҳмонқулов, Мухтор Қурбонов ҳамда Бахтиёр Ашурматов каби ўйинчиларни катта футболда кашф этгани билан ҳамон кўпчиликни ёдида.

Шунингдек Ҳакимов 2000 йили Ўзбекистоннинг “Энг яхши мураббийи” номига сазовор бўлган!

Шу фурсатдан фойдаланиб Баҳром Мамажоновични ушбу қутлуғ кунда биз кўпсонли ўзбек футболи мухлислари, яқинлари, қадрдонлари ва “Қўқон-1912” футбол клуби номидан табриклаймиз!

Юбиляримизга, узоқ-умр, сиҳат-саломатлик тилаб қоламиз! Баҳром Мамажонович Сизнинг Қўқон футболи равнақи йўлида қилган мехнатларингизни жамоамиз ҳеч қачон унутмайди ва доимо қадрлайди!

Сизга яна бир бор Яратгандан соғлиқ сўраб, келгусида ҳам мана шундай юбилей тўйларингизни нишонлашни ният қиламиз!

“Қўқон-1912” футбол клуби

Ҳавола :

Манба : kokand1912.uz

Янгиликларни Телеграмда ўқинг!

Рейтинг: