Бу воқеа ўтган асрнинг 60-йилларида содир бўлган. Бразилиянинг Порту-Алегри шаҳрида бўлаётган учрашув пайтида ҳиссиётга берилган мухлислар майдонга тушиб кетишди ва ҳакам ортидан югура бошлашди. Ишқибозларни кўриб, қўрқиб кетган рефери кийиниш хонаси томон қочди. Мухлислар эса эшик қулфлигига қарамай, уни бузиб киришди. Ҳакам бурчакка тиқилиб олди. Бироқ, маълум бўлишича, мухлислар учрашувда ажойиб ишлаган ҳакамга миннатдорчилик билдирмоқчи бўлган экан.
