“Қизилқум” айрим футболчилар билан хайрлашди

Клуб раҳбариятининг хабар беришича, бу йил “Қизилқум” шарафини ҳимоя қилган Наврўз Алимов, Виктор Клишин, Достон Абдураҳмонов билан ҳамкорлик тўхтатилган. Айтиш лозимки, Алимов хуқуқий жиҳатдан “Пахтакор” футболчиси ҳисобланади. Шу боис у яна тошкентликлар сафига қайтган. Абдураҳмонов эса собиқ клуби “Олмалиқ” йиғинида иштирок этаётгани айтилаётир.

Шунингдек тажрибали ҳимоячи Асқар Муҳиддинов билан таниқли ҳужумчи Алишер Холиқовнинг “Қизилқум” билан тузган шартномаси ниҳоясига етган. Катта эхтимол билан ушбу футболчилар ҳам жамоа билан хайрлашади.