UZ

Сўнгги янгиликлар

18:45Франция терма жамоасига чақирилганлар рўйхати эълон қилинди  1 18:27"Футбол олами". Олмалиқда триллер, "Навбаҳор", "Пахтакор" ва "Насаф"нинг сафардаги ғалабалари — 10-тур ҳақида батафсил   1 17:13Жаҳон чемпионати бошланди. Бугун Ўзбекистон ўйнайди  2 16:57АПЛнинг жорий мавсумдаги энг ёмон трансферлари эълон қилинди (ТОП 10)  0 16:33Ўзбекистон Кубоги. “Бунёдкор” — “Локомотив”, “Бухоро” — “Наманган ФА”, “Қўқон-1912” — Қизилқум”, “Замин” — “Андижон ФА”  2 15:48Роналдунинг фитнес-браслети унинг биологик ёши 29да эканини кўрсатди: "Демак, яна 10 йил ўйнайман"  7 15:14Европа лигаси финали учун превью: "Тоттенхэм" - "Манчестер Юнайтед"  4 14:22МЮ ва "Тоттенхэм" мухлислари Бильбаодаги Европа лигаси финали олдидан Сан-Себастьянда муштлашишди  4 13:40Марказий Осиё. Қозоғистон ва Қирғиз Республикасида пешқадам ўзгарди, "Истиқлол" мағлубиятга учради, "Аркадағ" эса...  3 13:23Дель Пьеро мураббийлик лицензиясини олди: "Бугундан бошлаб мени "мистер" деб аташингиз мумкин"  5 12:21Агар МЮ Европа лигасида ғалаба қозонса Делап "қизил иблислар"га ўтади  9 11:49"Манчестер Сити" стадион ёнида де Брюйне ҳайкали ўрнатилади  1 10:51Беллингем фаолиятини Германиянинг ТОП жамоаларидан бирида давом эттириши мумкин  1 10:23Уч нафар ҳужумчи ёзда “Ливерпул”ни тарк этиши мумкин  8 10:04Суперлига 11-тур расмийлари маълум. Марказий ўйинни Шавкат Насибуллаев бошқаради  5

"Қирғизистон клубларининг ОФК Кубогидаги иштироки, Эдгар Бернхардтнинг ҳолати". Александр Крестинин икки жойда ишлашга қандай қарайди? Янгиликлар

"Қирғизистон клубларининг ОФК Кубогидаги иштироки, Эдгар Бернхардтнинг ҳолати". Александр Крестинин икки жойда ишлашга қандай қарайди?

Қўшниларимиздан бири саналган Қирғизистон терма жамоаси ҳам ЖЧ-2022 саралаш баҳсларига қизғин тайёргарлик олиб бормоқда.

Дастлаб Бишкекда йиғилган терма жамоа аъзолари эртага Японияга йўл олишади. Биз мана шу сафар олдидан Қирғизистон терма жамоаси бош мураббийи Александр Крестинин билан боғланиб, ўзимизни қизиқтирган саволларга жавоб олдик. 

- Қирғизистон терма жамоасининг бўлажак баҳсларга тайёргарлиги қандай кетмоқда?

- Жамоамиз 30 май куни қисқа муддатли йиғин учун Бишкекда тўлиқ таркиб билан йиғилди. 31 майдан 1 июнга қадар икки маҳалдан машғулот ўтказдик. 2 июнь куни эрта тонгда тайёргарликнинг навбатдаги қисмини олиб бориш учун Японияга йўл оламиз. 

- Япония муддатидан олдин кейинги босқичга чиқиб бўлди. Улар Қирғизистонга қарши баҳсда иккинчи таркиб билан ҳаракат қилишини кутишимиз мумкин. Бу сизларга қай даражада фойда келтиради?

- Япония иккинчи таркиб билан тушган тақдирда ҳам захира футболчилари асосий таркибга кириш учун ўзларини астойдил кўрсатадилар. Ўйлашимча, рақиб мураббийи иккинчи таркибни илк дақиқалардан майдонга туширмайди.

- Қирғизистон клубларининг ОФК Кубогидаги иштироки ҳақида фикрингиз қандай?  Хусусан, "Дордой"нинг...

- Қирғизистон чемпионатининг даражаси унчалик юқори эмас.  "Олой" ва "Дордой"нинг халқаро майдондаги натижалари буни айтиб турибди. Клубларимиз мусобақада тўлиқ таркиб билан иштирок этмагани ҳам ўз сўзини айтди. Бизга жароҳатлар ва иккита марказий ҳимоячимизнинг йўқлиги панд берди.  "Олой"да ҳам шундай. 

- Япония билан баҳсда ижобий натижани қўлга киритиш учун нимага умид қилса бўлади?

- Фақат ва фақат кучли хоҳиш, ва ишлаб чиқилган стратегияга амал қилиш ҳисобига Япония билан баҳсда ижобий натижани қўлга киритса бўлади.

- Терма жамоанинг етакчиси ва муҳим футболчиси Эдгар Бернхардтнинг ҳолати, ўйин амалиёти йўқлиги ҳавотирга солмаяптими? 

- Футболчининг ўйин амалиётига эга бўлмаётгани албатта, яхши эмас. Лекин бизда унинг ўрнида бошқа футболчилар бор. Эдгарнинг ҳолати устида ишлаш учун вақт топилади. 

- Терма жамоа билан параллель равишда "Дордой" клубини ҳам бошқарасиз. Аксарият мамлакатларда, дейлик, Ўзбекистонда бир мураббийнинг икки жойда ишлаши танқид остига олинади...

- Ўзбекистонда вазият бошақача. Бу борада ўхшатмасликни сўраб қолардим. Бизда "Дордой" терма жамоанинг базаси бўлиб хизмат қилади. Терма жамоанинг ўйинини шакллантириш ва номзодларнинг ҳолатини билиш учун "Дордой"да ишлашимни ёмон томонини кўрмаяпман. Мазкур клубни қабул қилиб олганимдан сўнг футболчиларимнинг фаоллиги, ҳужумдаги тезкорлиги ошди. Икки жойда ишлаш менга халақит бермайди. Мен Қирғизистон терма жамоасини бошқара туриб, бошқа жамоага мураббийлик қилмасдим. "Дордой"ни терма жамоага база бўлгани учун қабул қилиб олганман.

Абдулазиз Искандаров суҳбатлашди.

Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика