Қирғизистон бош мураббийи Ўзбекистон билан ўйиндан олдин ўз фикрларини билдирди

"Ўзбекистон футбол Ассоциациясига илиқ қабул учун раҳмат айтмоқчиман. Барчаси юқори даражада. Ўзбекистон терма жамоаси билан ўйин Япония ва Тожикистон билан баҳсларга тайёргарлик доирасидан ўрин олган. Барча футболчилар терма жамоа ихтиёрига етиб келишмагани тушунарли, баъзи футболчиларнинг ўз клублари сафидаги ўйинлари бор - учрашув ФИФА кунлари доирасида бўлмаяпти. Аммо терма жамоанинг 80 фоиз футболчиси шу ерда, жароҳатланганлардан ташқари. Бир неча кун давомида тайёргарлик кўрамиз, ахир бир қатор футболчилар энди жароҳатдан қутулишган, баъзиларда ўйин амалиёти йўқ. Барчасини оптимал ҳолатга келтириш учун вақтимиз бор", - дейди Александр Крестинин Қирғизистон ФФ расмий сайтига.