Қатар терма жамоаси Тошкентга етиб келди
14 окт 2018 22:13
Янгиликлар

Қатар терма жамоаси Тошкентга етиб келди

Теглар : Қатар

Ўзбекистон миллий терма жамоаси 2019 йил БААда бўлиб ўтадиган Осиё кубогига тайёргарлик доирасида Қатар терма жамоасига қарши ўртоқлик учрашувида майдонга тушишидан футбол мухлисларининг хабарлари бор.

Ушбу ўртоқлик ўйини 16 октябрь куни соат 19:00 да “Миллий” стадионида бошланади.

Қатар терма жамоаси бир оз олдин юртимизга етиб келди ҳамда Тошкентдаги “International” меҳмонхонасига жойлашди. Эслатиб ўтамиз, эртага яъни 15 октябрь куни соат 11:00 да Ўзбекистон ҳамда Қатар миллий терма жамоалари бош мураббийлари иштирокида матбуот анжумани бўлиб ўтади. Матбуот анжумани “Миллий” стадиони анжуманлар залида ташкиллаштирилади.

Ўртоқлик ўйинини бевосита стадиондан кузатишни мақсад қилган футбол ихлосмандлари чипталарни “Миллий” стадиони кассаларидан сотиб олишлари мумкин.