"Пушкаш" мукофоти совриндори фаолиятини 33 ёшида якунлади
15 авг 11:57
Янгиликлар

"Пушкаш" мукофоти совриндори фаолиятини 33 ёшида якунлади

"Тоттенхэм собиқ футболчиси Эрик Ламела фаолиятини 33 ёшида тугатди ва энди "Севиля"да ишлайди.

Аргентина терма жамоасидаги ўйинлари билан ҳам танилган 33 ёшли вингер Эрик Ламела Грециянинг АЕК жамоасидан кетганидан сўнг футболчилик фаолиятини якунлаганини эълон қилди.

AS хабарига кўра, Ламела "Севилья"да Матиас Алмейданинг мураббийлар штабига қўшилади, у 2021 йилдан 2024 йилгача шу ерда ўйнаган ва Европа Лигасида ғолиб чиқишга ёрдам берган.

Ламела 2024/25 йилги мавсум АЕК таркибида 31 ўйин ўтказиб, 6 та гол урди ва 3 та голли узатмани амалга оширди.

Ламела "Тоттенхэм"да ўйнаган даврида 2021 йилнинг энг чиройли голини урган ва бунинг учун "ФИФА Ференц Пушкаш" мукофотини ўзиники қилган. 2021 йилнинг 14 мартида бўлиб ўтган "Арсенал"га қарши ўйинда у тўпни рақиб ҳимоячисининг оёқлари орасидан ўтказган ҳолда дарвозанинг узоқ бурчаги томон "рабона" зарбасини йўллаганди.

Ҳавола :

Манба : AS

Янгиликларни Телеграмда ўқинг!

Рейтинг: +6