Айтишларича бу йилги пулька баҳсларига ҳам Фарғона вилояти мезбонлик қилади. Эътиборлиси ўтган йили ҳам пулька иштирокчилари Фарғонада куч синашганди. Якунда мезбонлардан “Цементчи” билан “Ёзёвон-Лочинлари” биринчи лига йўлланмасини қўлга киритган. Бу йилги пулькада жами 8та жамоа иштирок этиши кутилмоқда. Аммо улардан иккиси ҳозирча сўроқ остида. Яъни “Гулистон” билан “Норин” жамоаларини иштирок этиш-этмаслиги яқин кунларда ойдинлашади.
Пулькада иштирок этувчи жамоалар эртага Фарғонага ташриф буюради. Ўйинлар эса 30 ноябрь, душанба кунидан старт олади. Унда қуйидаги жамоалар иштирок этиши кўзда тутилган.
1. “ФарДУ” - Фарғона
2. АЗОСК - Андижон
3. “Намуна” - Тошкент
4. “Локомотив-БФК” - Тошкент
5. “Ғаллакор” - Жиззах
6. “Бухоро-2” - Бухоро
7. “Норин” - Ҳақлабод
8. “Гулистон” - Гулистон
