ПСЖ устози: “Ўтган мавсум уларни кўп танқид қилишганди. Аммо ҳозир барчаси жойида”

“Жиддий учрашувда майдонга чиқдик. Буни кутгандик, футболчилар катта иштиёқ, қатъият билан ёндашишди. Ўйинчилар қанчалик кўп меҳнат қилганини кўрдим. Бу эса мен учун жуда ҳам муҳим. Ёрқин ғалаба, кубокни Парижга қайтарганимиз яхши бўлди.

Неймар ва Мессига келсак, ўтган мавсум уларни қаттиқ танқид қилишганди. Уларни кўп кузатаман ва улар билан гаплашиб тураман. Жамоавий муҳит бўлиши керак. 4-5 ҳафталик ишдан кейин айни пайт ҳаммаси жойида. Уларга ўзини кўрсатиш учун имкон бериш керак. Шубҳасиз, улар катта иқтидорга эга.

Ҳали тузатиш керак бўлган нарсалар бор, аммо умумий олганда, тайёргарлик жараёнидан, ушбу ғалабадан ва руҳий ҳолатимиздан кўнглим тўлди. Жаҳон даражасидаги футболчилар клубга келганимданоқ машғулотларни ўтказиб юборишмади”, дейди Гальтье.