Parijliklar tibbiy xizmati bergan ma'lumotga ko'ra, Serxio Ramos hamda Ander Errera Madriddagi uchrashuvni o'tkazib yuboradi. Ramos hafta oxiriga qadar individual mashg'ulotlarda qatnashadi. Errera ham yakka tartibda shug'ullanmoqda, u ham tez orada jamoaga qo'shiladi.
O'yindan oldingi mashg'ulotlar vaqtida jarohat olgan Kilian Mbappe esa shifokorlar nazoratida bo'lib turibdi. Klinik tekshiruvlar uning tiklanishi ijobiy kechayotganini ko'rsatdi. Yakuniy qaror esa bugun, 8 mart kuni qabul qilinadi.
