"Мальорка" ярим ҳимоячиси Ли Кан Ин ПСЖ билан узоқ муддатли шартнома бўйича келишувга эришди. Бу ҳақда инсайдер Фабрицио Романо хабар берди.
Энди парижликлар футболчининг трансфери борасида "қизил-қоралар" билан музокара олиб бориши лозим. Клублар тўлиқ келишувга эришишга яқин турибди.
Кореялик футболчи 2021 йилдан буён "Мальорка"да тўп тепади. 22 ёшли хавбек ўтган мавсум барча турнирларда 39 та ўйин ўтказиб, 6 та гол урди ва 7 та голга ассистентлик қилди.
Олдинроқ ПСЖ "Кристал Пэлас" вингери Заа билан шартнома имзолаши мумкинлиги ҳақида хабарлар тарқалган эди.
