ПРО-Лига, “А” гуруҳи. Энг кўп мухлис Фарғонада

7-турнинг 4та ўйинига жами 6254 нафар томошабин қадам ранжида қилган.

Энг мухлис тўплаш бўйича бу сафар “Истиқлол” пешқадамлик қилди. Фарғонадаги стадионга 2556 нафар ишқибоз кирган. Кейинги ўринда "Машъал" - "Сурхон" учрашуви қайд этилди. Шуни аълоҳида қайд этиш лозимки, Муборакдаги “Б.Вафоев” номли стадионга кириш учун чипта сотиб олган ҳар бир мухлисга “Машъал” жамоасининг рамзи туширилган футболкалар бепул тарқатилди.

“Истиқлол” жамоаси ҳам бир қатор ташкилий ишларга қўл урганини айтиб ўтиш жоиз.
Қиргулидаги “Нефтчи СК” стадионида бўлиб ўтган “Истиқлол” – “Хоразм” баҳсига ташриф буюрган мухлисларга эсталик учун маълум миқдорда тўплар тақдим этилгани клуб матбуот хизмати томонидан эълон қилинди.  

Ушбу турда энг кам мухлис кирган ўйин “Норин” – “Орол” бўлди. Гарчи ҳаққулобдликлар ўтган турда сафарда “Шўртан”ни мағлуб этиб келган бўлишига қарамай, “Норин”нинг уй ўйинига атига 447 ишқибоз ташриф буюрган. Самарқандда кечган “Динамо” – “Шўртан” учрашувини эса 1221 мухлис бевосита стадионнинг ўзида кузатиб борди.
 

Мухлислар ташрифи кимда қандай?

“Норин” – “Орол” – 2:2. 447 томошабин.
“Машъал” – “Сурхон” – 2:1. 2030 томошабин.
“Динамо” – “Шўртан” – 0:0. 1221 томошабин.
“Истиқлол” – “Хоразм” – 2:0. 2556 томошабин