Превью. "Сўғдиёна" - "Локомотив"

«Сўғдиёна» – «Локомотив»
23 август. Зомин. “Зомин” стадиони. 17:15
Ҳакамлар: Ҳ.Рўзиев, Т.Гайнулин, А.Усмонов, Н.Қосимов
Назоратчи: Р.Серазетдинов.

“Сўғдиёна” ва “Локомотив” олий лигада 13 бора тўқнаш келишган. Натижалар “темирйўлчилар”нинг устунлигини кўрсатмоқда.

“Локомотив” ушбу рақибни 9 марта мағлуб этган. “Сўғдиёна” 2 марта ғалабага эришган. Қолган 2та ўйинда дуранг натижаси қайд этилган. “Локомотив” ўзаро ўйинларда 28та гол урган, “Сўғдиёна” футболчилари атига 8 марта тошкентликлар дарвозасини ишғол этишган. “Локомотив” ўзаро ўйинларда 29 очкога эга бўлган, “Сўғдиёна” ҳисобида 8 очко бор. “Локомотив”нинг ўзаро ўйинларда энг йирик ғалабаси 5:0га тенг. “Сўғдиёна”нинг энг йирик ғалабаси эса 2:0 бўлиб турибди.

Дастлабки даврада Тошкентда бўлиб ўтган баҳсда мезбонлар зафар қучишган. “Локо” сафида Иван Нагаев, Вячеслав Шевченко ва кичик Жасур Ҳасанов гол уришган. Жиззахликларнинг ягона голига Сухроб Бердиев муаллифлик қилган.

“Сўғдиёна” майдонида ўтган сўнгги беш учрашув:
20.09.2013 «Сўғдиёна» - «Локомотив» 1:4
23.05.2009 «Сўғдиёна» - «Локомотив» 0:0
29.03.2008 «Сўғдиёна» - «Локомотив» 1:0
15.10.2006 «Сўғдиёна» - «Локомотив» 1:1
18.09.2005 «Сўғдиёна» - «Локомотив» 1:4

Ўзаро ўйинлар ҳақида факт: “Сўғдиёна” ўз уйида “Локомотив”га қарши кечган 6та ўйиннинг иккитасида ғолиб бўлган. Икки бор дуранг қайд этилган ва икки бор “темирйўлчилар” сафардан ғалаба билан қайтишган. Охирги икки ўйинда “Сўғдиёна” ғалаба қозона олмаган.