Превью. Россия ҳеч қачон Бельгияни юта олмаган

ФАКТЛАР
Бельгия терма жамоаси Кевин де Брейне ва Аксель Витселсиз Россия терма жамоасига қарши майдонга тушади. Санкт-Петербургдаги баҳсда Эден Азар ҳам майдонга тушмаслиги мумкин. Аммо Бельгия терма жамоаси айни пайтда ФИФА рейтингида энг юқорида турибди ва қийинчиликларни енгиб ўта олмаса қандай қилиб бу жойда турган бўлиши мумкин? Россиянинг Бельгия билан ўйинлари очиқ ва томошабоп бўлган. Демак бугун ҳам мухлисларга ёқадиган баҳс бўлади.

ҚИЗИҚ СТАТИСТИКА
Бу жамоалар Европа чемпионати саралашида ҳам бир гуруҳда бўлишган. Бельгия иккала ўйинда ҳам ғолиб бўлган. "Қизил иблислар" уйда 3:1, Санкт-Петербургда 4:1 ҳисобида зафар қучишган. Мазкур жамоалар ҳозирга қадар 7 марта ўзаро ўйин ўтказишган. Россия ҳеч қачон Бельгияни мағлуб эта олмаган - 2та дуранг ва 5та мағлубият.

ТАХМИНИЙ ТАРКИБЛАР
Бельгия: Куртуа; Алдервейрелд, Вертонген, Денайер; Менье, Дендонкер, Тилеманс, Т.Азар; Мертенс, Лукаку, Докю.

Россия: Шунин; Марио Фернандес, Баринов, Джикия, Семенов, Караваев; Зобнин, Оздоев, Головин; Миранчук; Дзюба.

ЎЙИНОЛДИ ФИКРЛАР:
Россия терма жамоаси бош мураббийи Станислав Черчесов: "Улар билан саралашда ҳам тўқнаш келгандик. Жуда кучли жамоа. Амбициялари кучли. Яхши мураббийга эга ва ажойиб футболчилари бор бўлган жамоа. Бекорга улар бир неча йилдан буён ФИФА рейтингида биринчи ўринда туришмаяпти. Бельгияга қарши ўйинларимиз очиқ ва томошабоп бўлади. Бу футбол, мухлисларга ёқадиган футбол. Аммо Европа чемпионати бутунлай бошқа нарса. Ўз имкониятларимиздан фойдаланишимиз керак".

Бельгия терма жамоаси аъзоси Дрис Мертенс: "Сўнгги йилларда Россияга қарши жуда кўп ўйнадик. Улар йирик мусобақада ўз майдонида ўйнашади, худди 2018 йилдаги ЖЧ сингари Россия яхши натижага эришишга ҳаракат қилади. Уларни ҳурмат қиламиз, аммо ғалабани кўпроқ истаймиз".

Бельгия - Россия
12 июнь 2021 йил. Санкт-Петербург. "Санкт-Петербург" стадиони. 23:55
Бош ҳакам: Антонио Матеу Лаос (Испания)
Қанот ҳакамлари: Пау Себриан ва Роберто дель Паломар (иккиси Испания)
Захира ҳаками: Фернандо Андрес Рапаллини (Аргентина)
VAR ҳаками: Алехандро Эрнандес (Испания)
VAR ҳаками ёрдамчилари: Жоау Пиньейру (Португалия), Иньиго Прието (Испания), Хуан Мартинес (Испания).

Бельгия Ромелу Лукаку - 10', Тома Менье - 34', Ромелу Лукаку - 88'

Чемпионат Европы. Группа B . 1-тур 13/06/2021, 01:00 0 : 3 Тугади

Россия

Стадион: Saint Petersburg Stadium, 26264 томошабин

Бош ҳакам: Антонио Матеу Лахоз

45'

90'

10'  Ромелу Лукаку

10'  Дрис Мертенс

27'  Тимоти Кастань (Тома Менье)

34'  Тома Менье

72'  Дрис Мертенс (Эден Азар)

76'  Ян Вертонген (Томас Вермален)

77'  Янник Феррейра-Карраско (Деннис Прат)

88'  Ромелу Лукаку

88'  Тома Менье

29'  Далер Кузяев (Денис Черышев)

43'  Юрий Жирков (Вячеслав Караваев)

46'  Дмитрий Баринов (Игорь Дивеев)

63'  Роман Зобнин (Максим Мухин)

63'  Денис Черышев (Алексей Миранчук)

Матч-центрда очиш

Нарзулла тайёрлади