Превью. "Қўқон-1912" - "Андижон"

«Қўқон-1912» (Қўқон) – «Андижон» (Андижон)
11 апрель 2015. Қўқон. "Марказий" стадиони. 16:00
Ҳакамлар: Ҳ.Рўзиев, О.Абдувосилов, А.Калинин, А.Рубаков.
Назоратчи: А.Абдуллаев.

“Қўқон-1912” ва “Андижон” олий лигада жами 18 бора тўқнаш келишган. Натижалар “Андижон”нинг устунлигини кўрсатмоқда. “Бургутлар” 9та ўйинда ғолиб бўлишган. 4та ўйинда дуранг қайд этилган. 5 учрашувда эса “Қўқон-1912” зафар қучган. Тўплар нисбатида ҳам “Андижон” олдинда – 40:29. Ўзаро ўйинларда “Андижон” 31 очкони, “Қўқон-1912” эса 19 очкони  қўлга киритган.

“Қўқон-1912”нинг ўзаро ўйинларда қозонган энг йирик ғалабаси – 5:1 га тенг. “Андижон”да бу кўрсаткич 6:0 бўлиб турибди.

2003 йил бўлиб ўтган ўйинларда майдон эгаси бўлган клуб ғалаба қозонган. Қўқонда бўлиб ўтган баҳсда мезбонлардан Муҳсин Низомиддинов ва Раҳмат Иноғомов гол уришган, бунга Санжар Асқаралиев жавоб берган – 2:1. Андижонда эса ўйин тақдирини битта гол ҳал қилган. “Бургутлар” ҳужумчиси Бахтиёр Ҳамидуллаев “Андижон”га уч очко келтирган – 1:0.


“Қўқон-1912” майдонида бўлиб ўтган сўнгги беш учрашув:
29.06.2003 «Қўқон-1912» - «Андижон» 2:1
30.03.2002 «Қўқон-1912» - «Андижон» 1:1
11.04.2000 «Қўқон-1912» - «Андижон» 1:1
23.05.1999 «Қўқон-1912» - «Андижон» 5:1
28.03.1998 «Қўқон-1912» - «Андижон» 0:6

Ўзаро ўйинлар ҳақида факт: Бу жамоалар Қўқонда 9та ўйин ўтказишган. Шу ўйинлардан 5тасида мезбонлар, 3та учрашувда дуранг ҳисоби қайд этилган. “Андижон” сафарда фақат бир марта (1998 йил) Қўқондан ғалаба билан қайтган.