Превью. "Қизилқум" - "Бухоро"

«Қизилқум» (Навоий) – «Бухоро» (Бухоро)
1 октябрь 2015. Навоий. "Сўғдиёна" стадиони. 17:30
Ҳакамлар: В. Серазетдинов (Тошкент), А. Снетков (Тошкент вил.), А. Калинин (Қарши), Н. Қосимов (Қарши)
Назоратчи: Б. Галеев (Урганч).
ЎзПФЛ вакили: Б. Ҳайдаров.

“Қизилқум” ва “Бухоро” олий лигада 29 марта тўқнаш келишган. Ушбу ўйинлардан 15тасида навоийликлар ғолиб бўлишган. 4та ўйин дуранг ҳисобида якунланган, “Бухоро” ҳисобида 10та ғалаба мавжуд.

“Бухоро” шу кунгача ўзаро ўйинларда “Қизилқум” дарвозасига 35та тўп киритган, навоийликлар эса “Бухоро” дарвозасига 48та гол уришган. “Бухоро”  ўзаро ўйинларда 34 очко ишлаб олган бўлса, “Қизилқум” 49 очкони қўлга киритган. “Бухоро”нинг олий лигада “Қизилқум” устидан эришган энг йирик ғалабаси 4:1 ни ташкил қилади. “Қизилқум”нинг йирик ғалабаси эса - 5:0.
 
Биринчи даврада "Қизилқум" сафардан ғалаба билан қайтган. Учрашувдаги ҳисобни майдон эгалари вакили Евгений Кочнев очганди. Иккинчи бўлимда Баҳриддин Ваҳобов ва Фаррух Ҳайдаров тўп киритиб Навоий клубига иродали ғалабани келтиришганди - 1:2.  

Навоийда бўлиб ўтган сўнгги беш учрашув:
21.05.2014 «Қизилқум» – «Бухоро» 1:1
23.10.2013 «Қизилқум» – «Бухоро» 2:0
14.04.2012 «Қизилқум» – «Бухоро» 1:0
02.04.2011 «Қизилқум» – «Бухоро» 0:0
25.04.2009 «Қизилқум» – «Бухоро» 3:2

Ўзаро ўйинлар ҳақида факт: “Қизилқум” мезбонлик қилган ўйинларда уч марта дуранг қайд этилган. 8 марта “Қизилқум” зафар қучган бўлса, 3та ўйинда “Бухоро” сафарда бўлишига қарамай рақибдан устун келган.