Превью. "Андижон" 21 йилдан буён сафарда "Сурхон"ни юта олмаяпти
16 мар 12:53
Янгиликлар

Превью. "Андижон" 21 йилдан буён сафарда "Сурхон"ни юта олмаяпти

Бугун Суперлиганиг 3-туридан ўрин олган "Сурхон" - "Андижон" учрашуви бўлиб ўтади.

Бу икки клуб Ўзбекистон чемпионатида ҳозирга қадар 32 марта тўқнаш келишган. 16 та баҳсда "бургутлар" зафар қучишган, 10 та ўйинда термизликлар ғалаба қозонишган. Қолган 6 та учрашувда дуранг кузатилган. Ўзаро ўйинларда "Андижон" 57 та тўп киритган ва 38 та гол ўтказган.

Ўзаро ўтган охирги учта баҳсда "Андижон" бу жамоа дарвозасига умуман гол ура олмаган ва ғалаба қозона олмаган - 1 та дуранг ва 2 та мағлубият.

"Андижон" сўнгги марта "Сурхон" майдонидан 2003 йилда ғалаба билан қайтган ва сафарда сўнгги бор 2004 йилда бу жамоага гол урган.

"Сурхон" майдонида ўтган охирги 5 та ўйин:
11.03.2023 "Сурхон" – "Андижон" 1:0
13.08.2021 "Сурхон" – "Андижон" 2:0
01.11.2020 "Сурхон" – "Андижон" 1:0
29.04.2019 "Сурхон" – "Андижон" 0:0
26.06.2004 "Сурхон" – "Андижон" 2:1

"Сурхон" мавсумни иккита мағлубият билан бошлади. Дастлаб ўз майдонида "Пахтакор"га 0:3 ҳисобида мағлуб бўлди. Сўнгра сафарда "Қизилқум"га имконият бой берилди - 1:2. "Андижон" эса дастлабки икки турда ютқазмади. Олмалиқда ОКМК билан 0:0 ҳисобида дуранг ўйнаган "бургутлар" ўз майдонида "Бунёдкор"ни 5:1 ҳисобида тор-мор этишди.

"Сурхон" — "Андижон"
16 март 2024 йил. Тошкент, "Пахтакор" стадиони. 17:00
Бош ҳакам: Аскер Нажафалиев
Қанот ҳакамлари: Шоҳруҳ Мақсудов, Адҳам Рихсибоев
Захира ҳаками: Никита Мустафин
ВАР ҳаками: Рустам Лутфулин
АВАР ҳаками: Андрей Цапенко
Назоратчи: Набижон Рўзимов
Комиссар: Шерзод Ражабов.