Поттер Роналдуни "Челси"да кўришни истамайди

"Челси" бош мураббийи Грэм Поттер "Манчестер Юнайтед" ҳужумчиси Криштиану Роналдуни лондонликлар сафига қўшиб олмоқчи эмас.

Бу ҳақда "Daily Mail" журналисти Крис Уилер хабар берди.

Эслатиб ўтамиз, аввалроқ 37 ёшли португалиялик шов-шувли интервью бериб, ҳозирги клубини танқид қилган эди. 

Ушбу воқеа фонида Роналдунинг қишда кетиши мумкинлиги ҳақида миш-мишлар тарқалди. Маълум бўлишича, футболчининг хизматларига "Челси" эгаларидан бири Тодд Боэли қизиқиш билдирган.

Тажрибали ҳужумчининг "қизил иблислар" билан амалдаги битими келаси йилнинг ёзигача ҳисобланган. Transfermarkt портали бешта "Олтин тўп" соҳибини 20 миллион еврога баҳоламоқда.