Польша терма жамоаси бош мураббийсиз қолди
22 дек 2022 19:47
Янгиликлар

Польша терма жамоаси бош мураббийсиз қолди

Польша терма жамоаси расмий сайти Чеслав Михневич терма жамоа бош мураббийлигидан кетганини тасдиқлади.

"Польша футбол уюшмаси бошқарув кенгаши номидан Чеслав Михневичга 11 ойлик мураббий сифатидаги фаолияти учун миннатдорчилик билдирамиз. Хабарингиз бор, у жуда қийин даврда жамоани қабул қилиб олди. Шунга қарамай, у ЖЧ-2022 йўлланмасини қўлга киритди. Шунингдек, Миллатлар Лигаси элит дивизионидаги ўрнини сақлаб қолди", – деди Польша футбол ассоциацияси президенти Цезарий Кулеша.

Польша футболи раҳбари Михневич 1986 йилдан бери Жаҳон чемпионати плей-офф босқичидаги илк йўлланма учун миннатдорчиликка лойиқ эканини таъкидлади.

Расман Польша термаси бош мураббийи лавозими 31 декабрь куни бўшайди. Михневич шогирдлари Қатар мундиалида 1/8 финалга чиқди ва бўлажак финалчи Франциядан 1:3 ҳисобида енгилди.

Ҳавола :

Манба : pzpn.pl

Янгиликларни Телеграмда ўқинг!

Рейтинг: +1