"Yuventus" va Italiya terma jamoasi sobiq yarim himoyachisi Andrea Pirlo murabbiylik faoliyatini boshlashga tayyor.
Jurnalist Janluka Di Marcioning xabariga ko'ra, afsonaviy italiyalik futbolchi "Yuventus"ning U-23 jamoasi murabbiylar shtabiga kiritiladi.
41 yoshli mutaxassis "keksa sinora"ning yoshlar jamoasida bosh murabbiy bo'lib ishlayotgan Roberto Baronioga assistentlik qiladi.
Pirlo "Nyu-York Siti"dagi ishtirokidan so'ng futbolchilik faoliyatini yakunlagan edi, u "Yuventus" sharafini 2011-2015 yillar davomida himoya qilgan.
