Пирло "Ювентус"га қайтмоқда

"Ювентус" ва Италия терма жамоаси собиқ ярим ҳимоячиси Андреа Пирло мураббийлик фаолиятини бошлашга тайёр.

Журналист Жанлука Ди Марционинг хабарига кўра, афсонавий италиялик футболчи "Ювентус"нинг U-23 жамоаси мураббийлар штабига киритилади.

41 ёшли мутахассис "кекса синьора"нинг ёшлар жамоасида бош мураббий бўлиб ишлаётган Роберто Барониога ассистентлик қилади.

Пирло "Нью-Йорк Сити"даги иштирокидан сўнг футболчилик фаолиятини якунлаган эди, у "Ювентус" шарафини 2011-2015 йиллар давомида ҳимоя қилган.