Пиоли: "Златан кейинги ўйинларда ҳам бизга керак"

"Асосийси - жамоа ўйинни ўқимоқда ва майдонга тушганда ўзини йўқотиб қўймаяпти.

Биз "Рома"га қарши ажойиб ўйин ўтказиб, ушбу баҳсга етиб келдик. Ўшанда бугунгидан кўра кўпроқ вазиятни назорат қилиб тургандик. Бугун эса барча режалар амалга ошди.

Мени қувонтираётган жиҳат шундаки, футболчилар ўсишда, рақобатлашишда давом этмоқда. Шу сабабдан асосий таркибини танлаб олиш жуда қийин иш бўлмоқда.

Биз кучли жамоа бўлишни истаяпмиз ва шунга яраша йўл танлаб, унда одимлаяпмиз.

Златаннинг бир тайм ўйнашини ўйиндан олдин биларди. Бу ўзгариш режа бўйича амалга оширилди. Златан - чемпион. Унинг кейинги ўйинларда ҳам таркибда бўлишини истаймиз. Олдинда қийин ўйинлар жуда кўп. Якшанба кунги баҳсда ҳам Златан таркибдаги балансни ушлаб туриши керак.

Тонали бугунги ўйини орқали олдинга икки қадам ташлади. У ушбу мавсум бошланиш арафасида жамоага келиб қўшилди. Унинг ривожланиш босқичи менга жуда ҳам ёқмоқда. Сандро ҳужумларга креативлик бағишлай олади", - деди Пиоли.