"Пескара" - "Аталанта" учрашуви зилзила туфайли тўхтатилди
27 окт 2016 14:47
Янгиликлар
"Пескара" - "Аталанта" учрашуви зилзила туфайли тўхтатилди
ESPNFC нашрининг хабар беришича, Италия марказида икки соат ичида иккинчи зилзила кузатилганидан сўнг "Пескара" ҳамда "Аталанта" ўртасидаги баҳс мухлислар орасидаги қўрқув туфайли бир неча дақиқага тўхтатилди.
Учрашув бошланишига 90 дақиқа қолганида 5,4 магнитудали, баҳснинг 32-дақиқасида эса 6,1 магнитудали зилзилалар қайд этилган.
10 сония давомида мухлислар орасида ваҳима пайдо бўлди, хатто баъзилар стадионни тарк этди.
"Ўша вақтда нима бўлаётганини тушунмадик, чунки биз майдонда югураётгандик. Мухлислар бақиришини эшитиб, улар аренани тарк этаётганида ҳаммасини тушундик" - дейди "Пескара" ҳимоячиси Уго Кампаньаро.
Учрашув 4 дақиқага тўхтаб қолди ва кейин давом эттирилди. Ушбу ўйинда "Аталанта" 1:0 ҳисобида ғалаба қозонди.
Зилзила маркази "Стадио Адриатико" аренасидан 180 км. узоқликда, Мачерата ва Перужа шаҳарлари орасида бўлган.
Икки ой олдин ҳам Италия марказида қаттиқ зилзила кузатилган эди. Ўшанда 300 га яқин аҳоли табиий офат туфайли оламдан кўз юмган.
championat.asia
Ла Лига. "Реал Мадрид" ўз уйида "Реал Бетис"га 5 та гол урди
АПЛ. "Ман Сити" "Челси"га қарши ўйинда 90+4 дақиқада тўп ўтказиб юборди ва ғалабани бой берди, Ҳусанов 51-дақиқада захирадан ўйинга қўшилди
Алижонов "Пахтакор"да қолиш учун йирик битимни рад этди
Ла Лига. "Барселона" сўнгги дақиқалардаги иккита гол эвазига "Эспаньол"ни мағлуб этди
Фикрлар