Пепе: "Бу беш дақиқа, ортда қолган икки йилни ўрнини қоплади"

Узоқ давом этган жароҳати аста-секин фориғ бўлаётган футболчи тикланиш жараёнини ўтказмоқда. Турин жамоасининг сўнгги назорат ўйинининг сўнгги икки дақиқасида майдонга туширилган Симеоне Пепе орадан кўп ўтмай жамоасининг ғалаба тўпини йўллашга муваффақ бўлганди.

Мен деярли янги футболчиман. "Ювентус" мени энди сотиб олгандек. Мен қаллиғим ва қизчамга катта раҳмат айтмоқчиман. Улар мени сўнгги икки йил ичида қўллаб-қувватлаб келишди ва ўзимга бўлган ишончни қайтаришда ёрдам беришди. Шунингдек ўз оиламдагилардан миннатдорман. Ота-онам ва акам менга кераклигича кўмаклашишди. Мен майдонга тушганимдан кейин Погбани голида иштирок этдим. Кўп ўтмасдан эса ғалаба тўпини киритдим. Бу мен учун жуда катта қувонч бўлди. Бу беш дақиқа, ортда қолган икки йилни ўрнини қоплади десам муболаға бўлмайди. Ниҳоят ҳаммаси ортда қолди. Барча қийинчиликлар тугаганидан хурсандман. Мен қачондир майдонга қайтишимга ишонардим ва охири бу амалга ошди. Энди мен 100 фоизга тайёр бўлишим керак. Аллегри қачон майдонга туш деса мен тайёрман. Менга бериладиган ҳар бир кичик имкониятдан максимум тарзда фойдаланишим лозим.