Пеп - "Сити" билан шартномаси бекор қилиниши ҳақида: "Бу нотўғри"

"Йўқ, бу нотўғри. Бир ҳафтадан буён "Манчестер Сити" билан тузган режаларим борасида гапиряпман.

Биз январь ойидаги трансферлар ҳақида гаплашмаяпмиз. Мавсумни қайси футболчилар билан бошлаган бўлсак, улар билан якунлаймиз. Нимадир бўлса ҳам, ёзги трансферлар ойнаси вақтида амалга ошади.

Стоунзнинг мушаклари жиддий жароҳатланган. У яна қанча вақтни майдондан ташқарида ўтказиб юборишини билмайман. Агуэро ҳали ҳам жамоа билан машғулотларда қатнашмади. Давид Сильва кеча ва бугун умумий гуруҳда шуғулланмади. Айни дамда унинг саломатлигини текширяпмиз. У оёғидан қаттиқ зарба қабул қилиб олганди.

Зиёфатнинг бекор қилиниши? Чоршанба куни ЕЧЛда ўйин ўтказдик ва ўша куниёқ Манчестерга қайтдик. Барча чарчаган эди. 3-4 кундан кейин яна ўйин. Шу боисдан футболчилар ўз вақтини оиласи даврасида ўтказишини истадим ҳолос", - деди Гвардиола.

АПЛнинг навбатдаги турида "Манчестер Сити" сафарда "Арсенал" меҳмони бўлади. Баҳс якшанба куни ўтказилади.