Пентек А Серия афсоналарини ортда қолдирди

"Женоа" жамоаси меҳмонда "Фросиноне" устидан 2:1 ҳисобида ғалаба қозонди. Учрашувда генуяликларнинг ҳар икки голига ҳам чемпионат тўпурари Кшиштоф Пентек муаллифлик қилди. Шу тариқа, 23 ёшли польшалик форварднинг А Сериядаги голлари сони 8тага етди ва у тўпурарлар пойгасида якка пешқадам.

Кшиштоф А Сериядаги биринчи 6та ўйинда гол уриш борасида "Милан" клуби ва Италия чемпионати афсонаси Андрей Шевченкони ҳам ортда қолдирди. Шева ўзининг Апеннин яриморолидаги дастлабки олтита ўйинида 7та гол урган эди.

Италия А Сериясида биринчи 6та ўйинда энг кўп гол урган ўйинчилар:

Кшиштоф Пентек ("Женоа"): 8та гол
Андрей Шевченко ("Милан"): 7та
Шейк Диабате ("Беневенто"): 7та
Роналдо ("Интер"): 5та
Диего Милито ("Женоа"): 5та.

Пентек А Серияда 8та гол уришдан ташқари, Италия кубогида "Лечче" дарвозасига 4та тўп киритган. Яъни, Пентек ҳозирча барча мусобақалар доирасида 7та ўйинда 12та гол урди. Польшалик форвард Италияда ҳар 50 дақиқада биттадан гол урмоқда.

Ҳа, тез орада бу ҳужумчини сотиб олишни хоҳлаган гранд клублар сафи кенгайиб кетиши аниқ.