Бразилиялик бошқа бир даҳо Диегонинг ўлими ҳақида гапирди.
"Дўстларингизни бу тарзда йўқотиш жуда ҳам ачинарли. Албатта, қачондир самода у билан бирга тўп тепамиз", дейди Пеле.
Англия терма жамоасининг собиқ ҳужумчиси Гари Линекер ҳам Марадонанинг ўлими ҳақидаги хабарларга муносабат билдирди:
"Аргентинада Диего Армандо Марадонанинг вафоти ҳақида ёзишяпти.
У бизнинг авлод ичидаги энг яхши ўйинчи эди, ҳозиргача мунозарали равишда барча замонларнинг энг зўр футболчиси деб эътироф этилади.
Бахтли, аммо нотинч ҳаётдан кейин, ниҳоят, Диего ором олади деб умид қиламан".
