"Пахтакор": ОАВ ходимлари диққатига

"Пахтакор" 29 март жорий мавсумдаги биринчи уй ўйинини "Қизилқум"га қарши учрашув билан бошлайди. Беллашувга ташриф буюриш жараёнида тушунмовчиликка дуч келиб, стадионга кира олмай қолмаслик учун ўзингиз билан ПФЛ томонидан 2014 йилги мавсум учун берилган аккредитациядан фойдаланишингизни сўраймиз. Шунда сиз стадион медиа трибунасидан ўрин олиб, ўйиндан кейинги матбуот анжуманига кириш ҳамда бошқа қулайликлардан фойдаланиш имкониятига эга бўласиз. Аввалги йил учун берилган ёки бошқа мусобақалар аккредитацияси билан медиа трибунадан жой олишга йўл қўйилмади.

ОАВ ходимларининг стадионимизга ташрифи ва жамоа ўйинларини ёритиб боришидан хурсандмиз.