"Пахтакор" Арвеладзе билан шартномани узайтирадими?

Клуб ва мутахассис ўртасида 1,5 йиллик шартнома имзоланганди. Жорий йил якунида эса Арвеладзенинг "Пахтакор" билан имзолаган шартнома муддати якунланади.

Савол туғилади, клуб Шота Арвеладзе билан ўртадаги битимни узайтирадими ёки мураббий йил охирида жамоадан кетадими?

Айнан мазкур савол билан "Пахтакор" матбуоти хизматига мурожаат қилдик. Клуб матбуот хизматининг маълум қилишича, Арвеладзе билан шартнома ҳозирча узайтирилмаган. Агарда клуб ва мураббий ўртасидаги битим узайтириладиган бўлса, унда бу борада расман маълум қилинади.

Бизга маълум бўлишича, "Пахтакор" Шота Арвеладзе билан шартномани узайтириш борасида ўйламоқда. Тез орада томонлар янги келишувга имзо чекишлари мумкин.