Павел Бугало – 40 ёшда!

Сир эмаски, бундай ёшда яшил майдонда ҳаракат қилиш футболчилар учун оғир ҳисобланади. Лекин Павел Бугало фаолиятини бир текисда ўтказиб, ҳозирги ёшида ҳам кўпчиликка ўрнак бўлиб келаётган кам сонли спортчилардан бири.

Футболчилик фаолиятини 1991 йили “Чирчиқ” жамоасида бошлаган посбон орадан 23 йил вақт ўтган бўлса-да, ҳали ҳамон мамлакатимизнинг етакчи дарвозабонларидан бири бўлиб, Ўзбекистоннинг энг совриндор жамоаларидан бўлган “Бунёдкор” шарафини ҳимоя қилиб келмоқда.

Бундан кейин ҳам янгидан-янги дарвозабонларни етишиб чиқишида Бугалонинг бой тажрибаси асқотишига шубҳа йўқ. Ўйлаймизки, Павел Бугалонинг кейинги фаолияти ҳам ёрқин давом этади.

Бугун 40 ёшини қарши олган Павел Бугалони “Бунёдкор” ФК рахбарияти, мураббийлари, футболчилари ва барча ходимлари қизғин муборакбод этади. Унга оилавий тинч-тотувлик, соғлик, бахт-саодат тилаймиз.