Паредес ва Дракслер ПСЖга қайтади

ПСЖ ярим ҳимоячиси Леандро Паредес мавсум охирида "Ювентус"дан жамоага қайтиши кутилмоқда. Бу ҳақда инсайдер Фабрицио Романо хабар бермоқда.

"Бьянконери" аргентиналикни сотиб олмайди. Бу "Бенфика"да ижара асосида тўп тепаётган Юлиан Дракслерга ҳам тааллуқли. Ҳар икки футболчи ёзда Парижга қайтиши режалаштирилган. 

Аввалроқ "Пари Сен-Жермен" кореялик футболчини ўз сафида кўрмоқчи эканлиги хабар қилинган эди.