Ўзбекистоннинг 17 клуби ОФК лицензиясини қўлга киритди, аммо...
07 июн 2025 12:12
Янгиликлар

Ўзбекистоннинг 17 клуби ОФК лицензиясини қўлга киритди, аммо...

ОФК 2025/26 йилги мавсум учун лицензияни қўлга киритган клубларни эълон қилди.

Унга кўра, Ўзбекистоннинг ОКМК, "Андижон", "Бухоро", "Динамо", "Бунёдкор", "Машъал", "Насаф", "Хоразм", "Қўқон-1912", "Навбаҳор", "Нефтчи", "Пахтакор", "Локомотив", "Сўғдиёна", "Қизилқум", "Шўртан" ва "Сурхон" клублари ОФК лицензиясини қўлга киритди.

Маълумот учун, олдинги мавсумда ОФК лицензиясини олмаган клуб Суперлигада иштирок эта олмас эди. Суперлига формати 16 та клубга ўзгартирилганидан сўнг ОФК лицензиясини қўлга киритиш эҳтимоли мавжуд бўлган бир неча Про лига клубларии Суперлигига йўл олди. Шу сабабли юқоридаги талаб бу йилги "Суперлига ва Про лига регламенти"дан олиб ташланган.

Эслатиб ўтамиз, ўтган йил "Арал" ОФК лицензиясини ололмагани боис жадвалда ундан пастроқда бўлган "Хоразм" Суперлигага чиққанди.

Ҳавола :

Манба : the-afc.com

Янгиликларни Телеграмда ўқинг!

Рейтинг: +3