Ўзбекистонда футболнинг янги қоидалари кучга киради

Бу ўзгаришлар дарвозабоннинг вақтни чўзиш ҳолатлари, тўпни ерга тушириш (дропбол) ва VAR (видеотакрор) алоқалари каби ўйиннинг турли жиҳатларига таъсир қилади. IFAB (Футбол ассоциациялари халқаро кенгаши) томонидан тасдиқланган бу ўзгаришлар ўйин оқимини яхшилаш, аниқлик ва ошкораликни таъминлашни мақсад қилади.

Асосий ўзгаришлар:

Дарвозабоннинг тўпни ушлаб туриш вақти:

- Дарвозабонлар тўпни назоратга олгандан сўнг 8 сония ичида уни ўйинга киритишлари шарт.

- Агар дарвозабон тўпни 8 сониядан кўпроқ ушлаб турса, рақиб жамоага бурчак зарбаси (корнер) берилади.

- Ҳаққонийликни таъминлаш учун ҳакам 5 сония қолганда дарвозабонни огоҳлантиради ва сонияларни санайди.

Тўпни ерга ташлаш (дропбол) ҳолатлари:

- Агар ўйин тўхтаган пайтда жамоа тўпга аниқ эгалик қилаётган бўлса (жарима майдони ташқарисида), ўйин қайта бошланганда тўп ўша жамоага қайта берилади.

VAR орқали қарорларни эълон қилиш:

- Ҳакамлар эндиликда VAR орқали қабул қилинган қарорларни стадиондаги томошабинларга тушунтириш имкониятига эга бўлади.

- Бу АҚШдаги каби бўлади — ҳакам қарори овозли равишда тушунтирилади.

Бошқа аҳамиятли ўзгаришлар:

Ёрдамчи ҳакамлар позицияси:

- Ёрдамчи ҳакамлар энди гол чизиғи эмас, пенальти нуқтаси билан бир чизиқда турадилар, қайсики офсайд ва гол чизиғи қарорларини баҳолашда.

Ўйин майдони ташқарисидаги контактлар:

- Агар мураббий, захира ўйинчи ёки майдондан четлатилган шахс тасодифан тўпга тегса, рақиб жамоага билвосита жарима зарбаси берилади. Бу ҳолатда ҳеч қандай сариқ ёки қизил карточка берилмайди.

Фақат жамоа сардори билан мулоқот қоидаси:

- Айрим мусобақаларда фақат жамоа сардори ҳакамга мурожаат қилиши мумкин бўлган ҳолатлар учун алоҳида кўрсатмалар жорий этилади.

Пенальти зарбасидаги икки марта тегиш қоидаси:

- Пенальти зарбасида икки марта тўпга тегиш билан боғлиқ ҳолатларда янги қарорлар жорий этилади.

Таъсир ва жорий этилиши:

- Бу янги қоидалар 2025 йил 1 июлдан бошлаб бутун дунё бўйлаб барча футбол мусобақалари учун мажбурий бўлади.

- 2025 йилги FIFA Клублар ўртасидаги Жаҳон чемпионати ушбу янгиликларни биринчи бўлиб қўллайдиган катта мусобақалардан бири бўлди. Куни кеча Россия чемпионати ҳам шу қоидалар асосида бошланди.

IFAB ташкилоти, шунингдек, бошқа эҳтимолий қоидаларни синовдан ўтказиш ва келгусида ривожлантириш устида ҳам иш олиб бормоқда.

Қайд этилишича, тез орада янги қоидалар юзасидан Суперлига клублари учун ҳакамлар томонидан семинар ташкил этилади.