Терма жамоамиз Тошкентдан Дубайга парвоз қилади. У ерда бир кун қолинади ва машғулот ҳам ўтказилади. Эртаси куни эса Дубайдан Янги Зеландия пойтахти Веллингтонга парвоз қилинади. Йўл олис, аниқроғи 14 соатлик парвоз бўлгани боис, терма жамоамиз жой олган самолёт Австралиянинг Сидней шаҳрига қўниб ўтади. Веллингтонда Панама терма жамоаси билан ўртоқлик учрашуви ўтказилади. Шунингдек, пойтахтда бир ҳафталик йиғин ҳам ташкил этилади.