Ўзбекистон ёшлар терма жамоаси Дубайга етиб борди

Терма жамоамиз делегацияси Дубай шаҳри чеккароғидаги тўрт юлдузли "TIME Grand Plaza" меҳмонхонасига жойлашди. Бу меҳмонхонада машғулот майдони йўқ. Шу боис, кўп эҳтимол билан меҳмонхонадан 15 дақиқалик узоқликдаги БАА футбол федерациясида машғулот ўтказилиши мумкин. БАА ФФ олдида иккита чимли майдон борлигини инобатга олсак, ҳар томонлама қулай жой. ЎФФ олдида эса битта сунъий қопламали майдон борлигини таъкидлаб ўтиш жоиз.

Эслатиб ўтамиз, Шуҳрат Мақсудов шогирдлари Ироқ, Хитой ва Саудия Арабистони терма жамоалари билан бир гуруҳдан жой олишган. Ўзбекистон ёшлар (U-22) терма жамоаси Осиё чемпионати гуруҳ босқичидаги дастлабки учрашувни 12 январь куни Хитой термасига қарши ўтказади.

Камолиддин Алимов.