Ўзбекистон ёшлар терма жамоаси Беларусь U19 билан иккита ўртоқлик учрашуви ўтказади
06 окт 2015 18:43
Янгиликлар

Ўзбекистон ёшлар терма жамоаси Беларусь U19 билан иккита ўртоқлик учрашуви ўтказади

Жасур Абдураимов бошчилигидаги Ўзбекистон ёшлар терма жамоаси Беларусь U19 терма жамоаси билан иккита ўртоқлик учрашуви ўтказиш бўйича келишувга эришди.

Ҳар икки назорат учрашуви ҳам Тошкентдаги "Жар" стадионида бўлиб ўтади. Дастлабки ўйин 14 ноябрь куни бўлса, иккинчи учрашув 16 ноябрь кунига белгиланган.

Эслатиб ўтамиз, айни дамда Ўзбекистон U19 терма жамоаси Бангладеш пойтахти Дакка шаҳрида Осиё чемпионати-2016 саралаш ўйинларида иштирок этмоқда. Ўтказилган икки турдан кейин Абдураимов шогирдлари "А" гуруҳида 6 очко билан биринчи ўринда бормоқда. Биринчи турда Ўзбекистон Бутанни (7:0) мағлуб қилган бўлса иккинчи ўйинда Шри-Ланка (3:0) устидан йирик ҳисобда ғалаба қозонди.

Бугун, Тошкент вақти билан 17:00да Ўзбекистон ёшлар терма жамоаси ўзининг саралаш турниридаги учинчи ўйинида Бангладешга қарши майдонга тушди.

Ҳавола :

Манба : the-uff.com

Янгиликларни Телеграмда ўқинг!

Рейтинг: +3