Ўзбекистон U-20 ёшлар терма жамоаси Крайстчерч шаҳрида машғулотларни бошлади
29 май 2015 19:23
Янгиликлар

Ўзбекистон U-20 ёшлар терма жамоаси Крайстчерч шаҳрида машғулотларни бошлади

Ёшлар ўртасидаги Жаҳон чемпионатига тайёргарлик кўраётган Ўзбекистон U-20 ёшлар терма жамоаси Янги Зеландиянинг Крайстчерч шаҳрида ўз машғулотларини бошлади.

Эслатиб ўтамиз, Жаҳон чемпионати "F" гуруҳида иштирок этадиган Ўзбекситон ёшлар терма жамоаси 1 ҳамда 2 тур ўйинларини айнан Крайстчерчда ўтказади. Бунгача Велингтон шаҳрида йиғин ўтказган Равшан Ҳайдаров жамоаси 28 май куни Крайстчерчга етиб келди ва машғулотларини бошлади.

Таъкидлаш жоиз, 30 май куни "F" гуруҳи вакиллари жойлашган меҳмонхонада 4та терма жамоа расмийлари ва менежерлари иштирокида митинг бўлиб ўтади.

Ўзбекистон ёшлар терма жамоасининг Жаҳон чемпионати гуруҳ босқичидаги илк учрашуви 1 июнь куни Гондурас ёшлар терма жамоасига қарши бўлиб ўтади. Мазкур учрашув Тошкент вақти билан соат 09:00да бошланади.

Ҳавола :

Манба : the-uff.com

Янгиликларни Телеграмда ўқинг!

Рейтинг: