Ўзбекистон терма жамоаси Хитой ва Тожикистонга қарши ўйинларга тайёргарликни бошлади

Машғулотлар пойтахтимиздаги "Юнусобод" спорт мажмуаси залида олиб борилаяпти. Мазкур йиғин Ўзбекистон МТЖ учун апрель ойида бўлиб ўтадиган халқаро ўртоқлик учрашувлари олдидан сўнгги тайёргарлик вазифасини бажаради.

Апрел ойида Нодир Элибоев бошчилигидаги Ўзбекистон МТЖ Хитой ҳамда Тожикистон терма жамоаларига қарши халқаро ўртоқлик учрашувларини ўтказишни режалаштирган. Даставвал, миллий терма жамоамиз 3 — 5 апрель саналарида Хитой Халқ Республикасига сафар қилади ва осмонўпар юрт футзалчиларига қарши иккита халқаро ўртоқлик учрашувида майдонга тушади. Апрел ойининг иккинчи декадасида эса Тожикистон миллий терма жамоаси мамлакатимизга ташриф буюриши ва қўшни мамлакат футзалчиларига қарши яна иккита назорат учрашуви бўлиб ўтиши режалаштирилмоқда.

Аввал хабар берганимиздек, Тошкентда ўтаётган йиғин 20 мартгача давом этади.