Ўзбекистон терма жамоаси футболчиси "Ордабаси" билан хайрлашди

Бу ҳақда клуб матбуот хизмати хабар берди.

"Севимли жамоам билан хайрлашиш вақти келди. Ушбу уч йил давомида менга ёрдам берган, қўллаб-қувватлаган ва мен учун жон куйдирган барчага раҳмат айтмоқчиман. Жамоа мухлисларига катта раҳмат, сиз мени яқинингиз каби қабул қилдингиз ва жамоани ҳар доим, ҳатто мағлубиятлар бўлса ҳам қўллаб-қувватладингиз. Ҳар доим биз билан бўлганингиз учун ташаккур. Ҳаммага раҳмат, яна кўришамиз", – деди Умаров.

Шаҳбоз Умаров "Ордабаси"да 2022 йилдан буён ўйнаб келаётганди. Жамоа сафида умумий 77 ўйин ўтказиб, 7 та гол урган ҳамда 7 та голли пас узатган. 2024 йилги мавсум Қозоғистон Премьер-лигасида 21 ўйинда қатнашиб, 2 та тўп киртди ва 1 та голга ассистентлик қилди.