UZ

Сўнгги янгиликлар

01:43ЖЧ саралаши. Норвегия Италияни "савалади"  3 00:47Ўртоқлик ўйини. Нигерия 2та гол урган ўйинда Россия билан дуранг қайд этди  1 00:15Постекоглу бу борада иккинчи бўлди  0 23:46Италия клуби банкрот деб эълон қилинди ва профессионал лигалардан четлатилди  2 23:07Тадбиркор Ўткир Юсуповга уч хонали уй совға қилди  5 22:50Гасперини: "Бу мен учун катта чақирув"  0 22:19"Интер" МЮ ҳужумчисини таркибига қўшиб олишга яқин  0 21:59"Аталанта" Иван Юрични бош мураббий сифатида эълон қилди  1 21:42Расман: Постекоглу истеъфога чиқарилди  0 21:21Эшитдик-да! Остон Ўрунов ўрнига Бобир Абдихолиқов термага чақирилди  24 21:12Расман: "Рома" янги бош мураббийини эълон қилди  5 20:55Суперлига 4-тур қолдирилган ўйинида "Хоразм" Навоийда "Қизилқум"ни йирик ҳисобда таслим қилди  15 19:48"Манчестер Юнайтед" 60 млн фунтлик трансферни амалга ошириши мумкин  0 19:23Ла Лиганинг якунланган мавсуми учун энг яхши футболчи аниқланди  8 19:03ФОТОГАЛЕРЕЯ. Ўзбекистон МТЖнинг Тошкентда кутиб олиниши  18

Ўзбекистон Республикаси Президенти Шавкат Мирзиёев футболчиларни табриклади Янгиликлар

Ўзбекистон Республикаси Президенти Шавкат Мирзиёев футболчиларни табриклади

Ҳозиргина Ўзбекистон терма жамоаси 2026 йилда бўладиган жаҳон чемпионатига йўлланма олди.

Бу катта воқеликдан кейин Ўзбекистон Республикаси Президенти Шавкат Миромонович Мирзиёев футболчиларга табрик йўллади.

Қадрли фарзандларим!

Аввало, сиз, азизларни Осиёнинг энг кучли жамоалари иштирок этган саралаш ўйинларида чинакам жасорат ва матонат намунасини кўрсатиб, том маънода улкан ғалабага эришганингиз – Ватанимиз тарихида биринчи марта жаҳон чемпионати йўлланмасини қўлга киритганингиз билан чин қалбимдан самимий муборакбод этаман.

Ҳеч шубҳасиз, миллий спортимиз солномасига олтин ҳарфлар билан битиладиган бундай ёрқин натижа юртимиздаги миллионлаб футбол мухлислари, бутун халқимизнинг неча йиллик орзуси эди, десак, тўғри бўлади. Сизлар профессионал билим ва малакангиз, тажриба ва маҳоратингиз, энг муҳими, юксак иродангиз ва ғалабага бўлган ишончингиз билан ана шундай орзуни реал ҳақиқатга айлантирганингиз ҳар қандай таҳсин ва тасаннога муносибдир.

Мана шу мунаввар оқшомда – қутлуғ зафар айёмида кўпмиллатли бутун Ўзбекистон халқи сизлар билан ҳақли равишда фахрланмоқда, десак, айни ҳақиқатни айтган бўламиз.

Саралаш ўйинлари нақадар кучли рақобат остида, кескин ва шиддатли курашларда ўтгани, терма жамоамизга нисбатан турли босимлар бўлганига қарамасдан, сизлар зарур очколарни жамғариб, азму шижоатли Янги Ўзбекистон ёшлари қандай юксак марраларни эгаллашга қодир эканини яна бир бор амалда исботладингиз.

Сизларнинг ана шундай ғоят масъулиятли турнирдаги муносиб иштирокингиз кейинги йилларда мамлакатимизда спортга, жумладан, унинг энг оммавий тури бўлган футболга берилаётган улкан эътиборнинг яна бир буюк амалий натижаси сифатида ҳам биз учун ғоят қадрлидир.

Аминман, бу тарихий ютуқ халқимизни эзгу мақсадлар йўлида янада бирлаштиради, минг-минглаб ёшларимиз учун илҳом манбаига, ибрат тимсолига айланади, Янги Ўзбекистоннинг халқаро обрў-эътиборини янада оширишга хизмат қилади.

Сизлар футбол майдонларидаги мана шундай шонли ютуқдан янги куч ва руҳ олиб, келгуси йили АҚШ, Мексика ва Канада давлатларида бўлиб ўтадиган жаҳон чемпионатида нафақат Ўзбекистон, балки бутун Марказий Осиё қитъасининг биринчи ва ягона вакили бўлишдек юксак шарафни чуқур ҳис этган ҳолда, янада катта жонбозлик кўрсатасизлар, деб ишонаман.

Мана шу шукуҳли айёмда сизларни доимо қўллаб-қувватлаб келаётган меҳрибон ва талабчан устоз-мураббийларингиз, миллий терма жамоамизнинг барча аъзоларини, сизларга бахт ва омад тилаб, кечаю кундуз дуода бўлиб келган ота-оналарингиз, ака-ука, опа-сингил ва барча яқинларингизни ўз номимдан, бутун халқимиз номидан қизғин табриклаб, уларга самимий миннатдорлигимни билдираман.

Сизлар муқаддас Қурбон ҳайити кунларида халқимизга байрам совғаси сифатида олиб келаётган ушбу унутилмас тарихий ғалаба барчамизга муборак бўлсин!

Зафарли одимларингиз бардавом бўлсин, азиз фарзандларим!

Шавкат Мирзиёев,

Ўзбекистон Республикаси Президенти

Рейтинг: +37   

Фикрлар

+6   
05 июн 23:35:40
Bobur G'ulomov
Эртага Катанец ни ҳам интервюси чиқади табриклайман деб. Шифо тиллаб қоламиз ушбу мураббийга.
+4   
05 июн 23:46:08
✨Ғайрат Муҳаммад????
Эътибор ва табрик учун Президентимизга катта рахмат. Ғалабамиз Сиз учун муҳтарам Президент!!!
+4   
05 июн 23:43:04
Sher.Far
ertaga xamma yaxshi kayfiyatda xayt namoziga boramiz insha alloh zali shu gapni yozsam negativ fikr bildirishgan edi xammani kayfiyati 100%
+3   
05 июн 23:42:06
Усмонбек
Жаноб президент сизи хам табриклиман сизи гамхурлик этибориз бу тарихий галабага.салмокли хисса кушди урок йиллар бошимизга бош булинг рахмат сизга бутун хамма хаммага
+3   
05 июн 23:38:07
Mekhriddin
Тимур Кападзе жуда катта таваккал билан термани қабул қилди. Ютса Катанецни ҳиссаси дейилишини аниқ билди, ютқазиб қўйса тавқи лаънатга қолиши аниқ эди. Битта гап бор - Хизир назар солмаса эшак бозорига даллол бўлолмайсан дейишади.
Ҳеч қачон Оллоҳнинг назаридан қолмайлик!
Ғолиблар муҳокама қилинмайди!!!
(жаноб Катанецга алоҳида раҳмат. Соғайиб кетсин!)
+3   
05 июн 23:35:36
Давлат
Юрт қаҳрамонлари – Сиз билан фахрланамиз!

Ўзбекистон тарихида янги саҳифа очилди — биз жаҳон чемпионатига чиқдик!

Бу ғалаба — фақат футбол эмас, бу ирода, бирлик ва Ватан учун жон куйдириш тимсоли.

Раҳмат сизга, қаҳрамонлар! Сиз орзу қилганимизни рўёбга чиқардингиз!
+3   
05 июн 23:35:05
Давлат
Юрт қаҳрамонлари – Сиз билан фахрланамиз! ????

Ўзбекистон тарихида янги саҳифа очилди — биз жаҳон чемпионатига чиқдик! ????⚽

Бу ғалаба — фақат футбол эмас, бу ирода, бирлик ва Ватан учун жон куйдириш тимсоли.

Раҳмат сизга, қаҳрамонлар! Сиз орзу қилганимизни рўёбга чиқардингиз! ????????
+3   
05 июн 23:33:55
Kambaraliev
Муборак кунларда барчага муборак босин✊✊✊
+3   
05 июн 23:33:22
Otabek
Темурга насиб қилди икаласиҳам
+2   
05 июн 23:44:15
Акмал
АЛХАМДУЛИЛЛАХ ЕТКАЗГАНИГА ШУКУР
+2   
05 июн 23:43:49
Azizbek Sultonov
Узбекистон жахон чемпионатига чикди. Аллохга шукр жуда хурсандман. Бу кунларни рахматли дадам ва мархум якинларим куришолмади. Йиллаб кутдик доим ойинларни кутдик, курдик, асабийлашдик, эзилдик ванихоят охири ютдик
+2   
05 июн 23:42:21
Алёш ака
Катанец бир келинг энди Ўзб.га байрамга, бир йулга Иқбол табибга кўриниб кетардингизда
+2   
05 июн 23:40:01
икром
Темурни калласи ишласа кибрга бормасдан бу ишни ортига Катанесни кули борлигини айтсин. Бу мардни иши булади. УФФ хам бунга ижобий карабин.
+2   
05 июн 23:36:08
Shamsiddin Matnazarow
Asolomalekim Butun Ozbekistani Turkmonistan halki nomidan tabriklimiz men Shahsan Otkir Yusupovni bu galaba bilan tabrikliman hudi Otkir bilan birga dorvozani koriklagandin boldim bizda ham bayram .Bunga Ozbekistan hakli Rahmat hamaga.
+1   
06 июн 00:15:10
Vatandoshingiz
Хурматли Президент Сизга Рахмат,Оллох Умрингиз ва Ризкингизни Барокатли Килсин
championat.asia
< сўнгги янгиликларни кўриш
Яндекс.Метрика