Ўзбекистон МТЖ йиғинига чақирилган футболчилар рўйхатида ўзгариш юз берди
29 авг 2020 19:25
Янгиликлар

Ўзбекистон МТЖ йиғинига чақирилган футболчилар рўйхатида ўзгариш юз берди

Хабарингиз бор, Ўзбекистон миллий терма жамоаси 30 августдан 4 сентябрга қадар Тошкентда ўқув-машғулот йиғини олиб боради.

Бош мураббий Вадим Абрамов мазкур йиғинга маҳаллий клублардан 26 нафар футболчини чақирган эди.

Чақирув олган Хусниддин Ғофуров ва Бобур Абдухолиқов Ўзбекистон Суперлигаси сўнгги тур баҳсларида жароҳат олганлиги ва йиғинда иштирок эта олмаслиги маълум бўлди.

Шу сабабли уларнинг ўрнига Ойбек Рустамов (“Қўқон-1912”) ҳамда Шохруз Норхонов (“Сўғдиёна”) машгъулотларга жалб этилади.

Йиғин доирасида Миллий терма жамоамиз Тожикистон вакилларига қарши ўртоқлик ўйинида майдонга тушади. Учрашув 3 сентябр куни соат 19.00 да “Локомотив” стадионида бошланади.

Ҳавола :

Манба : ЎФА матбуот хизмати

Янгиликларни Телеграмда ўқинг!

Рейтинг: +8