Ўзбекистон МТЖ Шаржа шаҳридаги дастлабки машғулотни ўтказди
05 янв 2019 22:55
Янгиликлар

Ўзбекистон МТЖ Шаржа шаҳридаги дастлабки машғулотни ўтказди

Ўзбекистон миллий терма жамоаси бугун Дубай шаҳридан Шаржага кўчиб ўтгани ҳақида аввал хабар бериб ўтгандик.

Футболчиларимиз бугун Шаржадаги "Sharjah Club Al Hazana" ўйингоҳида дастлабки машғулотни ўтказишди. Машғулот давомида тезкор узун паслар билан ҳужумга ўтишга ва ҳаводаги тўп учун курашишга асосий эътибор қаратилди.

Шундан сўнг футболчилар икки гуруҳга бўлинган ҳолда футбол ўйнашди. Купер уларнинг хатти-ҳаракатларини кузатиб, вақти-вақти билан алоҳида футболчиларни ёнига чақириб, уларга кўрсатмалар бериб турди.

Эртага Шаржадаги машғулотлар давом эттирилади.

Эслатиб ўтамиз, миллий терма жамоамиз Осиё Кубогидаги иштирокини 9 январь куни Уммонга қарши учрашув билан бошлайди.