UZ

Сўнгги янгиликлар

00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  2 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  3 23:37БАА футбол федерацияси ёшини сохталаштирган 18 нафар мисрлик футболчини депортация қилди  1 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  0 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  26 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  24 20:32Дунёнинг етакчи лигалари ФИФАни судга бермоқчи  4 20:15"Локомотив" "SWM Motors" билан ҳамкорлик шартномаси имзолади  1

Ўзбекистон миллий терма жамоасининг бўйдор посбони Евгений Сафонов эсингиздами? Янгиликлар

Ўзбекистон миллий терма жамоасининг бўйдор посбони Евгений Сафонов эсингиздами?

Миллий терма жамоамиз дарвозасини тарихда бир қатор маҳоратли киперлар қўриқлаган.

Павел Бугало, Олег Беляков, Алексей Пояков, Евгений Сафонов ва бошқалар. Уларнинг орасида Сафонов ўзининг ҳайбатли қомати ва бўйдорлиги билан ажралиб турган.

Евгений Сафонов – 1977 йилда Тошкентда дунёга келган. Болалигидан футболга меҳр қўйган Женя якуний қарор қабул қилишда дарвозабонликни танлади. Олий лигадаги дебютини 1996 йилда 19 ёшида «Дўстлик» жамоасида ўтказди ва уч мавсум давомида ушбу жамоа шарафини муносиб ҳимоя қилди. 1999 йилда Самарқанднинг «Динамо» жамоасига йўл олган Сафонов ажойиб ўйинлари сабаб терма жамоага таклиф этилди. Ўша вақтларда Маҳмуд Раҳимов терма жамоага кўплаб футболчилар қатори «Динамо»даги шогирдини ҳам жалб қилганди. 2000 йилда илк бор легионерга айланди ва Россиянинг «Шинник» жамоаси билан шартнома имзолади. Миллий жамоа билан 2004 йил Хитойдаги Осиё кубогида иштирок этди. ЖЧ-2002, 2006 саралаш баҳсларида бир нечта учрашувларда майдонга тушди. Фаолиятининг сўнги йилларида «Урал», «Мегаспорт», «Рязань» клубларида тўп тепган посбон 2012 йилда қадрдон жамоаси «Динамо»да якунлади.


Кўпчилик ёши катта ишқибозларга таниш бўлган кипернинг фикр ва мулоҳазалари билан ўртоқлашамиз.


“Футболчилик фаолиятимни якунлагач тадбиркорликни бошладим. Ўзимни кичик бизнесим бор. Лекин, футболдан билан бутунлай юз ўгирмаганман. Ўз ҳудудимда фахрийлар жамоаси билан тўп тепиб турамиз. Ёшларга маҳорат дарсларини ўтамиз. Маслаҳат сўраганларга ёрдамимни аямайман.

Ўзбекистонга сўнги маротаба адашмасам 2013 йил ёки ундан кейин бордим. Ўшанда мамлакат футболида ўзгаришлар, ислоҳотлар юз беришини сезгандим. Равшан Эрматовнинг ЎФА биринчи вице президенти бўлганидан хурсандман. У асло ишига юзаки қарамайди. Меҳнаткаш инсон. Андрей Канчельскиснинг ҳам Ўзбекистонда ишлаётганидан хабардорман. Унда тажриба ва халқаро билим бор. Арвеладзе ҳақида ҳам шундай фикр билдиришим мумкин.

Ўзбекистон миллий терма жамоасини ҳали ҳамон мундиалга чиқишини истайман. Чунки, мен ҳам бир вақтлар ушбу жамоада ўйнаганман. Нима етишмаяпти? Бирор нарса дея олмайман. Унинг сабабларига чуқурроқ киришиш керак. Ички чемпионат аҳволи, Осиёдаги терма жамоаларнинг қандай услубда ўйнаётганини кўриб чиқиш керак.


Ҳар бир мураббийнинг фаолиятимда ўрни катта. Термани бошқарган мутахассислар орасидан Боб Хафтонни кўрсата оламан. У тўрт кун ичида жамоани «Қувайт» билан ўйинга тайёрлаганди. Биз ўшанда биринчи бўлимдан сўнг имкониятни бой бераётгандик. Танаффусда керакли гапларни айтган ва футболчиларни руҳлантирган.

Владими Маминов ва Олег Пашинин Москванинг «Локомотив» жамоасининг алиштириб бўлмас ўйинчиси бўлишган. Маминов Қосимов билан марказда ўзаро жуда яхши тушунарди. Поляковниг танилишида ҳам Ўзбекистоннинг ўрни катта.

Ўзбекистон азалдан ҳужумкор ўйин кўрсатиб келган. Фақат, кучли ва даражаси баланд рақиблар билан ўйинни ҳимоядан бошлардик.

Рамзий терма жамоамни тузганман. Павел Бугало, Андрей Фёдров, Бахтиёр Ашурматов, Асрор Алиқулов, Николай Ширшов, Андрей Акопянц, Миржалол Қосимов, Сервер Жепаров, Виктор Карпенко, Максим Шацких, Александр Гейнрих”, - дейди Сафонов. 


Абдулазиз Искандаров тайёрлади

Рейтинг: +18   

Фикрлар

championat.asia
< сўнгги янгиликларни кўриш
Яндекс.Метрика