Ўзбекистон кубоги. "Обод" – "Бунёдкор" баҳси “ЖАР”да бўлади

Қуръа натижаларига кўра дастлабки учрашув «Бунёдкор» стадионида ўтказилиши ва табиийки мезбон вазифасини “қалдирғочлар” ўташи лозим эди. Бироқ, шу кунларда миллий терма жамоамиз ЖЧ-2018 ҳамда ОЧ-2019 саралаш баҳсларида иштирок этаётганлиги ва Самвел Бабаян шогирдлари учрашувларни “Бунёдкор” стадионида ўтказиши сабабли «Бунёдкор» ва «Обод» тўқнашуви жойи ҳамда мезбони ўзгарди. Энди 26 март куни бўладиган учрашувда «Обод» мезбон вазифасини ўтайди ва учрашувга “ЖАР” стадиони мезбонлик қилади. «Обод» футбол клуби барча мухлисларни 26 март куни соат 16:00да “ЖАР” стадионига чорлайди.
Эслатма: стадионга кириш бепул.

Ўзбекистон кубоги, 1/8 финал.
Дастлабки ўйин. 26 март, 16:00
«Обод» – «Бунёдкор»
Ҳакамлар: Н.Қосимов (Қарши), В.Лушин (Гулистон), С.Ҳакимов (Самарқанд), А.Шукуруллаев (Тошкент)
Назоратчи: Ф.Абдуллаев (Тошкент).