Ўзбекистон кубоги финали мезбони ва санаси маълум
19 окт 2023 21:31
Янгиликлар

Ўзбекистон кубоги финали мезбони ва санаси маълум

Бугун Ўзбекистон кубогининг ҳал қилувчи босқичида иштирокчилари аниқ бўлди.

Мусобақа кубоги учун "Насаф" ва ОКМК клублари беллашади. Мазкур учрашув 12 ноябрь куни Қарши шаҳридаги "Марказий" ўйингоҳида ўтказилади.

"Аждарлар" ўйинда расмий мезбон сифатида майдонга тушади.

Эслатиб ўтамиз, "Насаф" ўз тарихида 9-марта, шу билан бирга, кетма-кет 3-марта финал йўлланмасини қўлга киритди.

ОКМК эса ўз тарихида 4-марта ҳал қилувчи босқичга етиб келди. Олмалиқликлар сўнгги бор 3 йил муқаддам финалда иштирок этганди.

Ярим финалда ютқазган "Навбаҳор" ўтган йил шу босқичда пенальтилар сериясида "Сўғдиёна"ни мағлуб этганди, жорий йил айнан "лоторея"да имкониятни бой берди.

Ҳавола :

Манба : championat.asia

Янгиликларни Телеграмда ўқинг!

Рейтинг: +19