Ўзбекистон футзал терма жамоаси Ислом бирдамлик ўйинлари олдидан йиғин ташкил этади

Машғулотлар "Юнусобод" спорт мажмуасида олиб борилади. 

Мазкур йиғин ноябрь ойида Саудия Арабистонида бўлиб ўтадиган V Ислом бирдамлик ўйинлари мусобақаси олдидан асосий кўрик вазифасини ўтаб беради. 

Йиғин давомида жаҳон футзалида ўз ўрнига эга бўлиб бораётган Қозоғистон терма жамоаси билан назорат учрашувида куч синашиш ҳам режалаштирилган. Ён қўшниларимизга қарши ўртоқлик ўйини 16 октябрь куни соат 17:00 да "Юнусобод" спорт мажмуасида бўлиб ўтади ва "Спорт" телеканали ҳамда ЎФФнинг YouTube канали орқали тўғридан тўғри, жонли тарзда трансляция қилинади. Ўз ўрнида, учрашувни бевосита "Юнусобод" мажмуасида кўришни истаган барча ишқибозлар мутлақо бепул киритилади. 

Мураббийлар штаби бу галги йиғинга қуйидаги футзалчиларни жалб этган:

Дарвозабонлар – Шавкат Ибрагимов (“Оил Стар”), Мирислом Миралиев (ОКМК), Дониёр Умаров (“Локомотив”).

Ҳимоячилар – Илҳомжон Ҳамроев (“Оил Стар”), Машраб Одилов (БМБ), Шаҳзод Саъдиев (БМБ).

Қанот ўйинчилари – Шаҳрам Фахриддинов (ОКМК), Хайрулла Солихов (ОКМК), Муҳаммадали Хусанбоев (БМБ).

Қанот ҳужумчилари – Элбек Тўлқинов (“Оил Стар”), Аброр Ахмедзянов (ОКМК), Ихтиёр Ропиев ("Насаф"), Акбар Усмонов (СҚБ), Далер Эшонқулов ("Динамо"). 

Ҳужумчилар – Музаффар Аҳаджонов (БМБ), Артур Умуров ("Оил Стар").