Ўзбекча трансфер: Сергеев "Пахтакор"га қанча фойда келтирган?
10 июн 2021 15:34
Янгиликлар
Ўзбекча трансфер: Сергеев "Пахтакор"га қанча фойда келтирган?
Хабарингиз бор, олдинги сафар ҳамюртимиз Одил Аҳмедов иштирокида имзоланган ўтиш битимлари ҳақида маълумот бергандик. Наманганлик футболчи 2011 йилнинг ёзида "Анжи"га ўтаётган маҳалда "шерлар" ҳисоб рақами 1,7 млн еврога бойиган.
"Пахтакор"нинг Аҳмедовдан кейинги йирик трансфери 2018 йилнинг қишида содир бўлди. Ўшанда Игор Сергеев "Ал Дафра" таркибига қўшилган, БАА клуби ҳужумчи учун 1,5 млн евро тўлаган эди. Аммо, Игорнинг Бирлашган Араб Амирликлари суперлигасида ишлари юришмади ва ўша йилнинг ёзида эркин агент сифатида Тошкент жамоасига қайтди. Бундан ташқари, "Пахтакор" Сергеевни 2016 йилги мавсумнинг 2-қисмида "Бэйцзин Гоань"га ижарага берган ва 6 ойлик шартнома учун 500 минг евро ишлаб олган. Хуллас, футболчи ўзини тарбиялаган клубга умумий ҳисобла 2 млн евро фойда келтирган.
Жорий йилнинг февраль ойида Игор фаолиятида 3-бор легионерга айланиб, Қозоғистоннинг "Актобе" жамоаси таркибига эркин агент сифатида бориб қўшилди. Сергеев янги клуби сафида аллақачон 14 ўйинда 7 та гол уришга улгурган. "Пахтакор" спорт директори Жафар Ирисметовнинг Championat.asia'га маълум қилишича, айни пайтда 28 ёшли ҳужумчини жамоага қайтариш бўйича музокара ўтказилмоқда. Игор катта эҳтимол билан янги мавсумни "шерлар" сафида бошласа керак.
Ўхшаш янгиликлар
championat.asia
Элит ОЧЛ. "Насаф" сўнгги дақиқаларда тўп ўтказиб, ўз майдонида "Ал Ваҳда"га ютқазди
U-17 Жаҳон чемпионати. Ўзбекистон ўсмирлар терма жамоаси илк турда Парагвайни мағлуб этиб, мусобақани ғалаба билан бошлади
ЕЧЛ. "Ливерпуль" ўз уйида "Реал Мадрид"ни мағлубиятга учратди
Элит ОЧЛ. Рўзиқул Бердиев: "Кучимиз борича рақибга қаршилик кўрсатдик"
Фикрлар