Ойбек Каххаров: "Бундай турнирлар кўпайса мақсадга мувофиқ бўларди"
23 янв 2016 17:56
Янгиликлар

Ойбек Каххаров: "Бундай турнирлар кўпайса мақсадга мувофиқ бўларди"

Бугун бўлиб ўтган мусобақадан сўнг Олий суд ходимлари жамоаси шарафини ҳимоя қилган Ойбек Каххаров турнир ҳақида ўз фикрлари билан ўртоқлашди.

“Ҳаммамизга маълум 10 февраль кунидан бошлаб футзал бўйича Осиё чемпионати бошланади. Шунга бағишлаб тарғибот турнири ўтказиляпти, биз ҳам Олий суд жамоаси, ушбу кичик турнирларда мунтазам иштирок этяпмиз. Чемпион бўлдик демак вазифа уддаланди, бизнинг йигитлар бор кучи билан ҳаракат қилишди. Ташкилотчилар ҳақида гапирадиган бўлсак, ажойиб турнир ташкиллаштирилган десам муболаға бўлмайди. Чунки ушбу турнирда ҳакамлар, журналистлар машхур инсонлар бу ерга жам бўлиши футболга бўлган қизиқишни янада оширади. Ҳаммага маълум - спорт соғлиқ гарови. Менимча бундай турнирлар кўпайса мақсадга мувофиқ бўларди. Ушбу ўйинда барча жамоаларни кучлари тенг деб ўйлайман”, - деди Олий суд ходимлари жамоаси аъзоси Ойбек Каххаров.