"Ўтган йилги "Металлург" кучли эди, майдон тайёр эмас ёхуд сюрпризлар бўлади"— "Нефтчи"нинг биринчи турдаги қаҳрамони яна нималар деди?

Бекободда "Металлург" меҳмони бўлган фарғоналиклар ортга йирик 3:0 ҳисобидаги ғалаба билан қайтди. Шу куни жамаоа сафида Умар Адҳамзода ёрқин ўйин кўрсатиб рақиб дарвозасини икки бор ишғол қилди ва Мирзоҳид Ғофуровнинг голига ассистентлик қилди. Умуман ўйин қаҳрамонига айланди, десак муболаға бўлмайди. Учрашувдан сўнг унинг фикрлари билан қизиқдик. 

Металлург

Суперлига. 1-тур 03/03/2023, 18:30 3 : 0 Тугади

Нефтчи Мирзоҳид Ғофуров - 28', Умар Адҳамзода - 33', Умар Адҳамзода - 87'

45'

90'

38'  Беҳруз Шодмонов

46'  Беҳруз Шодмонов (Забиҳилло Ўринбоев)

46'  Шаҳзодбек Ғофурбеков (Иброҳим Ибрагимов)

73'  Марко Обрадович (Ҳусниддин Ғофуров)

90'  Владислав Касминин

28'  Мирзоҳид Ғофуров

28'  Умар Адҳамзода

33'  Умар Адҳамзода

33'  Диёр Туропов

67'  Андрей Мишченко (Муҳсин Убайдуллаев)

70'  Нурилло Тўхтасинов (Юрий Батюшин)

87'  Умар Адҳамзода

Матч-центрда очиш

- Ўйин ҳақида...

- Худога шукур олдимизга қўйилган вазифани уддаладик ва мавсумни юз фоизлик натижа билан бошладик. Мураббийимиз айтганларидек мавсумга Туркияда яхши тайёргарлик кўрилганди. Бунинг самарасини навбатдаги учрашувларда ҳам кўрамиз, деб ўйлайман. 

- Бекободдаги майдон сифати қандай экан?

- Ҳа, майдон тайёр эмас. 

- "Нефтчи" қайси ўрин ва қандай натижалар билан сюрпириз кўрсатиши мумкин?

- Қандай ўринни эгаллашимизни йил охирида биламиз. Лекин ҳар бир баҳсда максимал ўйин кўрсатишга ҳаракат қиламиз. Албатта ҳали сюрпиризлар бўлади. 

- Виталий Левченко келгач ўтган мавсум якунида, қолаверса кеча ҳам ёрқин ўйин кўрсатдингиз...

- Мураббий ишонч билдиряпти. Мен эса уни оқлашга ҳаракат қилмоқдаман.

- "Металлург" ўтган йилгига қараганда қанчалик ўзига ўхшади?

- Солиштирадиган бўлсак, менимча ўтган йилги "Металлург" кучли эди. Лекин энди биринчи тур ўтди. Ҳали ҳеч нарса бўлгани йўқ. Хулоса чиқаришга эрта, деб ўйлайман. 

Абдулазиз Искандаров